Monday, January 29, 2007

موضوع طويل

لا يمر يوم دون أن أتلقى عبر بريدي الاليكتروني دعوة إلى استعمال أحد العقاقير الطبيعية التي ستجعل المسائل تصل إلى أطوال فلكية. وحدثني صديق شكوت له من كثرة هذه الرسائل، وتساؤلي لماذا أنا بالذات المستهدف من هذه الحملة، أنه أيضا يتلقى العديد منها ، وهو يعتقد أن أصحاب هذه الشركات يستهدفون أولئك الذين تجاوزوا الأربعين لأسباب مفهومة. وبقدر ما أسعدني كون المسألة ليست شخصية بقدر ما أقلقني تبريره لها. هنا عدت لقراءة الرسائل بتأن واعتقدت بأنه لو تحقق المطلوب لجميع الرجال لأصبح الأمر مخيفا للنساء. لكن ما أزعجني هو احصائية أرفقتها إحدى هذه الاعلانات تقول أن 95% من النساء يفضلن هذه الأحجام الرهيبة، وهنا بدأ الأمر يصبح مخيفا لي أنا، وليس النساء. على أية حال، ربما كان انشغالي بهذا الموضوع الحساس هو ما دفعني لا شعوريا إلى شراء ترجمة إنجليزية لرواية العبقري جابرييل جارسيا ماركيز ذكريات مومساتي الكئيبات، ولعلني أعلق عليها في المرة القادمة.

12 comments:

Ossama said...

حطه يا عم واتكل على الله
وبعدين خد من نصر الله العطار واتكل على الله ولا تحتار

Mohamed M. Abdel Aziz said...

والله انت باين عليك مجرب الحاجات دي...بس يعني كل الأطوال اللي بيقولوا عليها إحنا عديناها من زمااااااااااان

Malek said...

بطلوا بقه حقد واشاعات

عديت ايه ياعم
هو انت عبد الحي؟؟ ولا حتى عبد العال بطل الابطال
اسمع بلاش كل كبدة ومخ وطحال واقرا الفاتحة لسيدي عبعال

mohamed elbanna said...

مفيش اعلانات عن زراعة الأعضاء

Mohamed M. Abdel Aziz said...

عبعال كراماته مش قد كده في الموضوع ده أما الكبدة اليومين دول فباين عليها مضروبة لكن فيه خبر كويس أخيرا جاي من مصر...مسكوا جزار بيبيع لحمة حمار، وزي ما انت عارف الحمار في الموضوع إياه ممتااااااز وجايب نتايج أجدع من كل الاعلانات

بالنسبة للأخ اللي بيسأل عن الزراعة أنا سمعت عن واحد جربها لكن الجسم مقدرشي يقبلها فضمر واضمحل واسودّ وبعدين وقع منه وهو ماشي ولسه بيدور عليه...وهو ناشر إعلان بيقول اللي يلاقيه يديله رنه على الموبايل

ibn_abdel_aziz said...

بص يا محمد الموضوع ملوش علاقة بالسن
انا بقالي اكثر من سنتين بيجيلي نفس نوع الايميلات
وساعات 2 او 3 يوميا

يا اما انا في الثلاثينات ومتنيل بستين نيلة :)))

ياخبر هما بيعرفوا منين الكلام ده يا عم الحاج ؟؟؟
الظاهر مركبين مجسات في البراوزر
طب وربنا محاطط اللاب توب علي حجري تاني
:)))

ibn_abdel_aziz said...

صورة البرج دي بتقصد بيها ايه بالضبط يا محمد ؟:))

لو فيه عقار بيضرب المسائل لهذه الاطوال الخيالية لكان كوكب الارض تحول اسمه الي كوكب هتك العرض

Mohamed M. Abdel Aziz said...

لا لا ولا بيعرفوا ولا حاجة...دي كلها صدف...خللي اللاب توب على حجرك إوعى تشيله الدنيا برد اليومين دول واحنا مش ناقصين إعلانات...أما البرج ده فهو أحد أهم مصادر السياحة...أمال انت فاكر السياح بييجوا يتفرجوا على إيه؟

aboyehia said...

امال ياباشا كل السواح بيجوا لوجسور والغردجة عشان برج الجزيرة
امال عشان السلطانية

وده اللي اسمه الحب الحئيئي
اللي غنت له وردة

السايحة او السايح (ما يخالف زي مانت عارف )بيحب البرج
والمرشد(السياحي متفهمنيش غلط)بيخاد التذكرة وبيحب مصر

بس برضه روح لعبعال بتاع الطحال
احسن من بتاع الحمير
اللي قال فيه الشاعر
جلاوين جلاوين جلاوين
وعزيزة تحب حسين (ده مش ابو صدام على فكرة)
وحسين ميحبهاش
نايمها ع السرير وعطاها بتاع حمير
لكن مكيفهاش
على فكرة برضه الشاعر ده جاهلي واسمه الضيرس

Mohamed M. Abdel Aziz said...

يعني يا أبو يحيى أنا أحب أدي إشارات بس لكن متكلمشي على المفتشر كده...حقولك إيه عيبك زي ما انت عارف إنك صريح وصادق وشجاع...بالمناسبة يمكن للمهتمين بالسياحة وخصوصا سياحة البرج قراءة هذا المقال http://www.merip.org/mer/mer216/216_behbehenian.html
أما حكاية الكبدة والطحال فكأخ وصديق أنا لازم أحذرك. إنت فاكر صاحبنا اللي كان مداوم على الموضوع ده لدرجة إنه مكانشي يسيب عربية الكبدة إلا عشان يروح الشغل وبعدين يرجع طوالي يكمل؟ طلع يا سيدي إنهم بيحطوا حبوب منع الحمل في العلف وأتاري صاحبك في الآخر حصله إنكماش خطير من أسفل ثم انفجار مزدوج من أعلى وده طبعا غير التضخم المروع من الخلف. هو رافع قضية على عربية الكبدة وحيقدم قريب في طب بنات الأزهر مع سالي

Malek said...

لعلمك يا دكتور موضوع صاحبنا طلع فشنك واشاعات مغرضة مطلعها عبد الحي المجرم بسبب المنافسة
وطبعا عارف سيادتك ان عدوك ابن كارك يا ابو يوسف
عودة للموضوع الاصلي
الحقيقة يا ابو يوسف افندي
جيت ع الجرح عيبي زي ما حضرتك قلت وده مش عيبي الوحيد الصدق والصراحة والشجاعة
والاهم ان عيب حضرتك طيبة القلب والثقة الشديدة في الناس
يعني تلقيك برضه زعلت عشان المرشد(السياحي طبعا) اللي مش واخد حقوقه رغم حبه الشديد لمصر اللي هي امنا

امتى نتخلص من عيوبنا يا ناس
ومتقولش ايه اديتنا مصر!!!سيب سمير صبري يقول
ابو يحيى

elhifnawi said...

سبحان الله, هوه فيه أيه ؟ ده الموضوع ده محسوم من زمان أيها الرجال و أى امرأة سويه يهمها أشياء أخرى كثيرة بعيدة كل البعد عما تتحدثون عنه